Qyzylordalyq qutqarýshylar sý basqan aımaqtardan oblysqa oraldy
Qutqarýshylar bıyl Qostanaı, Batys Qazaqstan, Aqtóbe, Atyraý oblystarynda sý tasqynyn joıýǵa atsalysty. qutqarýshylardy saltanatty túrde kútip aldy.
Syr qutqarýshylary apat aımaqtarynda sý tasqynyna qarsy qarqyndy jumys jasady. Jergilikti turǵyndardy oqshaýlandyryp, sý qoımalarynyń kóterilýin báseńdetýge at salysty. Sý basqan óńirlerde qyzmet etken 80 qyzmetker men arnaıy 9 tehnıka, 5 qaıyq Qyzylorda oblysyna oraldy.
Solardyń biri — qyzylordalyq qutqarýshy Qaırat Qydyrálıuly Kenjebaev 22 jyldan beri tótenshe jaǵdaılar salasynda qyzmet atqaryp keledi.
Uzaq jyldar boıy óz salasynda mol tájirıbe jınaqtaǵan qarapaıym eńbek adamy Atyraý oblysynda halyqty sý tasqynynan qutqarý baǵytynda ýaqytpen sanaspaı eńbek etti. Tájirıbeli maman tótenshe jaǵdaı kezinde jumystyń durys úılestirilýi jáne ujymnyń aýyzbirshiligi asa mańyzdy ekenin aıtady.
«Topan sýdyń aldyn alý jáne joıý kezindegi qajetti tehnıkalarǵa ýaqytyly kútim kórsetilip, olardyń úzdiksiz jumys jasap turýy mańyzdy. Men bala kezden ákem kólik jóndep jatqanda qasynda júrip, qatty qyzyǵatyn edim. Al qazir ózimniń balalarym meniń janymda dál solaı quraq ushyp tehnıka jóndeýge kómek kórsetedi», — dedi ol.
Aıta ketsek, qyzylordalyq qutqarýshylar Atyraý oblysynda Jaıyq ózenindegi mol sýdyń saldarynan aralda qalyp qoıǵan 65 jylqyny qaýipsiz jerge shyǵardy.