Qyzylordalyq qutqarýshylar Aqtóbe men Qostanaı oblysyna attandy
Búginde Qostanaı jáne Aqtóbe oblystarynda qyzylordalyq 66 qutqarýshy qyzmetin atqaryp júr. Olardyń enshisinde 9 arnaıy tehnıka, 4 qaıyq, 20 motopompa bar.
«Al eriktiler barlyq aýdan men Qyzylorda qalasynan 112 tonna gýmanıtarlyq kómekti Aqtóbe qalasy men Qobda aýdanyna 25 júk kóligimen jóneltti. Onyń ishinde aqtóbelik turǵyndarǵa qajetti azyq-túlik, kórpe-tósek, gıgıenalyq quraldar, dári-dármek, qurylys zattary bar. Oǵan qosa Aqtóbe oblysynda ashylǵan esepshottarǵa kómek retinde qomaqty qarjy aýdaryldy. Tasqynnan zardap shekken basqa óńirlerge de gýmanıtarlyq kómek kórsetý úshin «Jastar ortalyqtary» janynan, saýda úıleri men bazarlardan pýnktter ashylǵan. Bul bastamany Syr óńiriniń janashyr azamattary men eriktiler qoldap, óz úlesterin qosýda», - dep málim etti Qyzylorda oblysy ákimdiginen.