Qyzylordalyq kásipker bódene baǵyp, aıyna 1 mln teńge tabady

<p>QYZYLORDA. KAZINFORM - Qyzylorda oblysy Jańaqorǵan aýdanynyń turǵyny Nazıra Belsenbaeva bódene baǵyp, aıyna 1 mln teńge tabys taýyp otyr.</p>

Nazıra Belsenbaeva bul josparyn «Aýyl amanaty» ulttyq jobasy arqyly júzege asyryp otyr. Qazir bódene sharýashylyǵyn dóńgeletýde. Kásipti úırene júrip, ózgelerge de onyń qyr-syryn aıtyp keledi.

Qazir bódene baǵýdyń qyr-syryn jaqsy meńgerdi. Kúnine 1000-nan asa jumyrtqany saýdaǵa shyǵarady. Oǵan qosa bódene etimen aýdandaǵy meıramhanalar men tamaqtaný oryndaryn qamtamasyz etip, Astana qalasyna da jóneltýde.

Foto: "Baıqońyr"áleýmettik kásipkerlik korporatsııasy

«Men «Aýyl amanaty» jobasymen 3 mln teńge kóleminde nesıe aldym. Oǵan eki myńnan astam qus jáne qajetti jabdyqtar satyp aldym. Jergilikti turǵyndarynyń arasynda osy ónimge degen suranys joǵary. Osyǵan baılanysty nebári bir aıdyń ishinde kásibim órge asty. Qazir 1 mln teńge tabys tabýǵa múmkindik týyp tur. Bódene ár 16 saǵat saıyn jumyrtqalaıdy», - deıdi ol.

Nazıra Belsenbaeva jaz aıynda atalmysh baǵdarlama arqyly taǵy da nesıe alýdy kózdep otyr. Baǵdarlamanyń ekinshi bólimi arqyly kásibin keńeıtpekshi. Sol maqsat júzege assa, arnaıy ferma ashýdy josparlap otyr.

Eske salsaq, budan buryn Qyzylorda oblysynda Abaı jáne Dosan eldi mekenderine gaz qosyldy.