Qyzylordalyq dárigerler ót jolyna kúrdeli otany alǵash ret jasady

<p>Qyzylorda oblystyq kópbeıindi aýrýhanasynyń dárigerleri 75 jastaǵy azamatshanyń ót jolyna eki kezeńnen turatyn kúrdeli otany tuńǵysh ret jasady, dep habarlaıdy <a href="https://kaz.inform.kz/" target="_blank" rel="noopener">Kazinform.</a>&nbsp;</p>

Qyzylorda oblystyq kópbeıindi aýrýhanasy №2 bólimshesine 1948 jyly dúnıege kelgen azamatsha jedel túrde «Mehanıkalyq, aýyr dárejesi» dıagnozymen jatqyzylǵan. Dárigerler naýqasqa eki kezeńnen turatyn ota jasaý týraly uıǵarymǵa keldi. Alǵashqysy, teri baýyr arqyly jalpy ót jolyn drenırleý bolsa, ekinshisi jalpy ót jolyn antegradty stentteý otasy edi.

Otany aýrýhana dırektorynyń hırýrgııa qyzmeti jónindegi orynbasary Erbol Serikuly men hırýrgııa bólimshesiniń meńgerýshisi Áset Jalmaǵanbetov jasady.

«Otada naýqasta uıqy beziniń basyndaǵy isigi dıagnozy sarǵaıý rastalyp, aýrýhanada 1 ret jalpy ót jolyn antegradty stentteý otasy jasaldy. Óttiń ót jolymen ishekke kelip túsetin jerinde uıqy beziniń basynda isik bar. Sol isik saldarynan ót jolynyń tómengi bóligi qysylǵan. Sondyqtan ót ishekke túspeı turǵany belgili boldy. Qazir sol jerge teri baýyr arqyly jalpy ót jolyna qoıylǵan drenaj arqyly stent qoıyldy. Úsh kúnnen soń baqylaý fıstýlografııa zertteýi jasaldy. Stent óz jumysyn tolyq atqaryp tur. Bul ota oblystyq aýrýhananyń hırýrgııa bóliminde tuńǵysh ret jasaldy. Birneshe jyl boıy atalǵan ota túrin engizý josparda júrgen edi. Aýrýhana basshylyǵyna A.Syzǵanov atyndaǵy ulttyq ǵylymı-hırýrgııa ortalyǵynda mol tájirıbe jınaǵan bilikti hırýrgter Jasulan Baımahanov pen hırýrgııa jónindegi orynbasary Erbol Serikuly kelgen soń ol oıymyz júzege asty», - deıdi Áset Jalmaǵanbetov.

Foto: Qyzylorda oblystyq kópbeıindi aýrýhanasynan

Dárigerdiń aıtýynsha, antegradty jalpy ót jolyn drenırleý «Uıqy bezi basy isigi. Mehanıkalyq sarǵaıý aýyr dárejesi», «Úlken emizikshe isigi. Mehanıkalyq sarǵaıý, aýyr dárejesi» sııaqty dıagnoz qoıylǵan naýqastarǵa ota eki kezeńde jasalady.

Joǵaryda atalǵan dıagnozdarda isik jalpy ót jolynyń tómengi bóligin qysyp, óttiń ishekke túsýine kedergi bolady. Bul otanyń negizgi maqsaty - jalpy ót jolyn isik arqyly ótip, sol jerge stent qoıyp, óttiń ishekke túsetin jolyn ashý, naýqas ómiriniń sapasyn arttyrý. Bul ota túri egde jastaǵy naýqastarǵa, qosymsha syrqattaryna baılanysty jalpy narkozben jasalatyn kólemdi otalardy kótere almaıtyn naýqastarǵa eń tıimdi ota túri bolyp esepteledi. 

Eske salsaq, budan buryn Qyzylorda oblysynda alyp náreste dúnıege keldi.