Qyzylordalyq áje mereke qarsańynda 101 jasqa toldy

<p>QYZYLORDA. KAZINFORM - Qyzylorda qalasynyń turǵyny Kúlmaram Qonysbaeva halyqaralyq áıelder kúni qarsańynda 101 jasqa toldy. Ǵasyr jasaǵan ana&nbsp; 2 balasynan 4 nemere, 12 shóbere, 1 shópshek súıip otyr.</p>

Júzdiń júzin kórgen Kúlmaram Qonysbaeva 1923 jyldyń 10 aqpanynda dúnıege kelgen, tyl jáne eńbek ardageri. Kóp jyldar boıy Qazaly aýdandyq emhanasynda eńbek etken. Búgingi kúni 2 balasynan 4 nemere, 12 shóbere, 1 shópshek súıgen aıaýly áje. Ǵasyr jasaǵan aq jaýlyqty anany qala ákimi Serik Qojanııazov quttyqtap bardy.

«Siz el basyna kún týǵan shaqta er-azamattarmen ıyq tirese tylda eńbek etip, Uly jeńisti jaqyndatýǵa úlesińizdi qostyńyz. Soǵys jyldarynan keıin de qazaq áıeline tán qarapaıymdylyq úlgisinen tanbaı halyqqa qaltqysyz qyzmet etken Sizdiń ǵumyr jolyńyz urpaqqa ónege», - dedi qala ákimi.

Oblysta jasy júzden asqan 20 qarııa bar. Olardyń 8-i Qyzylorda qalasynda turady. Olardyń basym bóligi kóp bala tárbıelep ósirgen analar.