Qyzylordaǵa Úkimet rezervinen bólinetin soma qysqarady

<p>ASTANA. KAZINFORM &ndash; Qyzylorda qalasyn ystyq sýmen qamtamasyz etý jobasyna Úkimet rezervinen bólinetin qarajat 11 mlrd teńgeden 10,8 mlrd teńge azaıtylmaq.</p>

Ónerkásip jáne qurylys mınıstrligi kópshilik talqylaýyna shyǵarǵan buıryq Úkimettiń qaýlysyna ózgeris engizýdi kózdeıdi.

«Ónerkásip jáne qurylys mınıstrligine 2024 jylǵa arnalǵan respýblıkalyq bıýdjette kózdelgen Úkimettiń shuǵyl shyǵyndarǵa arnalǵan rezervinen Qyzylorda qalasyndaǵy kóppáterli turǵyn úılerde ystyq sýmen jabdyqtaý jelilerin salý úshin «Baıqońyr (Baıkonýr)» áleýmettik-kásipkerlik korporatsııasy» aktsıonerlik qoǵamynyń jarǵylyq kapıtalyn ulǵaıtýǵa Qyzylorda oblysynyń bıýdjetine nysanaly damý transfertteri túrinde aýdarý úshin 10 812 102 953 (on mıllıard segiz júz on eki mıllıon bir júz eki myń toǵyz júz elý úsh) teńge somasynda qarajat bólinsin», - dep jazylǵan qujatta.

Oǵan oblys ákimdiginiń memlekettik satyp alý shyǵyndarynan 215,1 mln teńge únemdeı alýy sebep bolǵan.

Buǵan deıin memlekettik satyp alý shyǵyndarynan únemdelgen qarajat memlekettik qyzmetkerlerge syıaqy retinde berilmeıtini aıtylǵan bolatyn.