Qyzylordada jumyrtqa 16% arzandaǵan

<p>ASTANA. KAZINFORM - Qyzylorda oblysynda jyl basynan beri áleýmettik mańyzy bar azyq-túlik taýarlarynyń segiz túriniń baǵasy aıtarlyqtaı arzandaǵan, dep habarlaıdy QR Saýda komıtetiniń baspasóz qyzmeti.&nbsp;</p>

Máselen jumyrtqa - 559 teńgeden 465 teńgege deıin (16,8% - ǵa), qaraqumyq jarmasy - 321 teńgeden 219 teńgege deıin (39,5% - ǵa), kúnbaǵys maıy - 680 teńgeden 593 teńgege deıin (12,8% - ǵa) arzandaǵan.

Odan bólek áleýmettik mańyzy bar azyq-túlik taýarlarynyń tizbesine kiretin mynadaı taýarlardyń quny túsken: kúrish - 418 teńgeden 392 teńgege (6,2% - ǵa), qyryqqabat - 134 teńgeden 127 teńgege (3,1% - ǵa), pııaz – 105-ten 102-ge deıin (2,9%), rojkı - 292 teńgeden 285 teńgege deıin (2,4% - ǵa), birinshi surypty bıdaı uny - 272 teńgeden 247 teńgege deıin (2,2% - ǵa).

Jyl basynan Qyzylorda oblysy boıynsha azyq-túlik taýarlaryna baǵa belgileýdiń búkil tizbegi boıynsha deldaldyq shemalardy tekserý jónindegi komıssııanyń 42 otyrysy ótti. Nátıjesinde 36 deldaldyq shema anyqtalyp, qajetti sharalar qabyldandy.