Qyzylordada jol-kólik oqıǵasynan kólik ishinde qysylyp qalǵan adam qutqaryldy

<p>QYZYLORDA. KAZINFORM - Qyzylorda qalasynda jol-kólik oqıǵasynan avtokólik ishinde qysylyp qalǵan 40 jastaǵy azamat qutqarylyp, jedel járdem mamandaryna tapsyryldy.</p>

Oblystyq polıtsııa departamentiniń habarlaýynsha, oqıǵa 3 naýryzda saǵat 11.30 shamasynda Táýelsizdik dańǵyly boıynda bolǵan. Sol aýmaqta «Volkswagen Passat» jáne «Chevrolet Cobalt» markaly avtokólikter soqtyǵysyp qalǵan.

Jol-kólik oqıǵasy boıynsha tıisti qujattar jınaqtalyp, saraptamalar taǵaıyndalýda.

«Tótenshe jaǵdaılar qyzmetine jol-kólik oqıǵasynan 1 adam qysylyp qalǵany týraly habar tústi. Oqıǵa ornyna jetken qutqarýshylar 1984 jyly týǵan azamatty «Volkswagen Passat» avtokóliginen avarııalyq-qutqarý quraldaryn paıdalanyp, shyǵaryp alǵannan keıin jedel járdem qyzmetine tapsyrdy», - dep málim etti Qyzylorda oblystyq tótenshe jaǵdaılar departamentinen.

Eske salsaq, budan buryn Qyzylordada talǵa soǵylǵan jeńil kólik tolyǵymen janyp ketti.