Qyzylordada jelide bireýge jala japqan áıel 500 myń teńge aıyppul tóleıdi

<p>QYZYLORDA. KAZINFORM &mdash; Qyzylordada áleýmettik jeli arqyly áıel adamǵa jala jaýyp abyroıy men qadir-qasıetine nuqsan keltirgen turǵyn aıyppul tóleıtin boldy.</p>

Azamatsha D. áleýmettik jeli arqyly áıel kisige jala jaýyp, onyń abyroıy men qadir-qasıetine nuqsan keltirgen. Áleýmettik jelide pikir jazyp, ony jalpy kórilimge shyǵaryp jarııalaǵan. 

— Sot otyrysynda azamatsha óz kinásin moıyndap, pikir jazǵanyn rastady. Onyń áreketi polıtsııa qyzmetkerleriniń baıanattarymen, ákimshilik quqyq buzýshylyq týraly hattama, túsinikteme, sot psıhologııalyq-fılologııalyq saraptama qorytyndysy jáne basqa da is boıynsha qujattarmen dáleldendi. Bul boıynsha QR Ákimshilik quqyq buzýshylyq týraly kodeksiniń 73-3-babynyń 2-bóligimen ákimshilik jaýapkershilik kózdelgen. Onda kópshilik aldynda nemese buqaralyq aqparat quraldaryn, telekommýnıkatsııalar jelilerin paıdalana otyryp jala jabý, ıaǵnı basqa adamnyń abyroıy men qadir-qasıetine nuqsan keltiretin nemese onyń bedelin túsiretin kórineý jalǵan málimetter taratý jaǵdaıy kórsetilgen. Jala japqan azamatsha kináli dep tanylyp, oǵan 465 192 teńge aıyppul salyndy, — dep málim etti Qyzylorda qalasynyń ákimshilik quqyq buzýshylyqtar jónindegi mamandandyrylǵan sotynan.

Eske salsaq, budan buryn Qyzylorda turǵynynyń jalǵan senimhat arqyly mekeme qarajatyn jymqyrǵany anyqtaldy.