Qyzylordada jastarǵa arnalǵan «Múmkindikter alańy» uıymdastyryldy
Oblys ákimi Nurlybek Nálibaev jastar jumyssyzdyǵyn azaıtý jáne olardy áleýmettendirý máselesine kóńil bólip keledi. Soǵan sáıkes oblys ákimdiginiń uıymdastyrýymen «Múmkindikter alańy» is-sharasy ótti.
Halyqaralyq jastar kúnine oraılastyrylǵan «Jastarmen birge» ulttyq onkúndigi aıasynda uıymdastyrylǵan is-sharada oblys ákiminiń orynbasary Shahmardan Baımanov atalǵan bastamanyń mańyzdylyǵyn atap ótti. Sondaı-aq aımaqta jastardy jan-jaqty qoldaýǵa baǵyttalǵan jumystar men jańa jobalar jalǵasatynyn jetkizdi.
Іs-sharada Qyzylorda qalalyq «Mansap» ortalyǵy, «Atameken» ulttyq kásipkerler palatasy, «Agrarlyq nesıe korporatsııasy», «Otbasy bank», «Halyk bank» AQ Qyzylorda oblystyq fılıaldarynyń, Jastar densaýlyǵy ortalyǵynyń mamandary óz salalary boıynsha baǵyt-baǵdar berdi.
Bos jumys oryndary jármeńkesine 40-qa jýyq jergilikti jumys berýshi mekeme ókilderi, 3 joǵary oqý orny men 10 kásiptik-tehnıkalyq bilim berý uıymynyń qabyldaý komıssııalary qatysty. Jastarǵa 36 mekemeden 222 bos jumys orny usynyldy. Jármeńkege 136 jumys izdeýshi qatysyp, 48-i joldama aldy.
Іs-shara sońyndaǵy sporttyq saıystar men merekelik kontsertte jastar belsendilik tanytty.
Aıta ketsek, óńirde aımaq basshysynyń tikeleı qoldaýymen jastardy áleýmettik qoldaýǵa baǵyttalǵan jobalar júzege asyrylyp keledi. Oblysta alǵash ret «Syr jastary» óńirlik turǵyn úı baǵdarlamasy qabyldandy. Nátıjesinde 60 jas otbasy jańa páter ıelense, 40 otbasy jyl sońyna deıin qonys toıyn toılaıdy dep kútilýde. Budan bólek, jyldaǵy dástúr boıynsha mektep bitirýshi túlekterge 2024-2025 oqý jylyna oblys ákiminiń 100 oqý granty taǵaıyndaldy.