Qyzylordada «Jasyl aımaq» aktsııasyna ardagerler de atsalysty

<p>QYZYLORDA. KAZINFORM &ndash; Qorshaǵan ortany taza ári uqypty ustaý &ndash; árbir azamattyń basty paryzynyń biri. Sebebi tabıǵat &ndash; barshamyzǵa ortaq qundy baılyq.</p>

Qazaqta ejelden tabıǵatty aıalaýǵa, jaqsy kórýge úlken mán beriledi. Sol úshin de atadan balaǵa jalǵasqan ıgi is halyq arasynda óz qundylyǵyn joǵaltqan emes. Sondyqtan da, dástúrin dińgek etken dana halqymyz kóktem shyǵysymen aýmaqty kókjelekke aınaldyrýǵa atsalysyp, tal otyrǵyzýda belsendilik tanytady. 

Foto: Qyzylorda oblysy ákimdigi

Búginde elimizde «Taza Qazaqstan» respýblıkalyq ekologııalyq aktsııasynyń úshinshi aptasy «Jasyl aımaq» taqyrybynda jalǵasyp jatyr. Osy rette, syrboıylyq bir top ardager jáne zııaly qaýym ókilderi qaladaǵy Qorqyt ata eskertkishi mańynda Syr talyn otyrǵyzyp, atalǵan aktsııaǵa óz úlesin qosty. Budan bólek, ardagerler eskertkish aýmaǵynda ádemi gúlder ekti.

Foto: Qyzylorda oblysy ákimdigi

Qyzylorda oblysy ákimdiginiń baspasóz qyzmeti habarlaǵandaı, is-shara barysynda oblystyq ardagerler keńesi tóreaǵasynyń orynbasary Ómirbek Shámenov aktsııaǵa qatysty óz pikirin bildirip, jas urpaqqa tabıǵattyń janashyry bolýǵa jáne aınalany barynsha taza ustaýǵa shaqyrdy. Osy arqyly aımaǵymyzdyń ekologııalyq ahýalyn jaqsartyp, jan-jaǵymyzdy jasyl-jelekke aınaldyrýǵa úlken múmkindik bolary sózsiz ekenin tilge tıek etti. 

Aıta keteıik, «Jasyl aımaq» aptalyǵy Qyzylorda qalasy jáne barlyq aýdan ortalyqtarynda erekshe is-sharalarmen jalǵasyp jatyr.

Foto: Qyzylorda oblysy ákimdigi