Qyzylordada jańa jylý elektr ortalyǵy salynyp jatyr

<p>2025 jyly Qyzylorda qalasynda jańa jylý elektr ortalyǵy qoldanysqa beriledi. Bul týraly óńir ákimi Nurlybek Nálibaev elordada eseptik kezdesýinde aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Memleket basshysynyń elimizdegi jylý-elektr ortalyqtarynyń jumysyn jandandyrý tapsyrmasyna sáıkes aımaqta iri joba júzege asýda. Egemendik jyldaryndaǵy ınvestorlardyń qarjysyna salynatyn eń aýqymdy, teńdessiz joba – jylý elektr stantsııasynyń qurylysy bizdiń aımaqta boı kóterýde. Quny 215 mlrd teńge bolatyn joba 2025 jyly iske qosylady», - dedi Nurlybek Nálibaev Ortalyq kommýnıkatsııalar qyzmetinde ótken baspasóz máslıhatynda.

Oblys basshysynyń aıtýynsha, bul elektr energııasyn syrttan satyp alýdan arylyp, óndirilgen elektr energııasynyń bir bóligin aımaqtan tys jerlerge satýǵa múmkindik beredi.

Jalpy oblysta jylý berý maýsymy turaqty ótýde. Oblystaǵy 1067 áleýmettik nysan men 855 kópqabatty turǵyn úı tolyqtaı jylý júıesine qosylǵan.

Buǵan deıin Nurlybek Nálibaev Qyzylorda oblysynyń barlyq qalalary men aýdan ortalyqtary gazben qamtylǵanyn aıtqan edi.