Qyzylordada jańa kópir el ıgiligine berildi

<p>Táýelsizdik merekesine oraı búgin Qyzylorda qalasynda &laquo;Batys-Eýropa &ndash; Batys Qytaı&raquo; avtodálizi boıyndaǵy jol aıyryǵyna salynǵan jańa kópirdiń saltanatty ashylý rásimi ótti, dep habarlaıdy <a href="https://kaz.inform.kz/news/hokkeyden-ach-kazakstan-zhastar-kuramasinin-kakpashisi-uzdk-atandi-cad09a/Kazinform." target="_blank" rel="noopener">Kazinform.</a></p>

Іs-sharada oblys ákiminiń orynbasary Danııar Janalınov sóz sóılep, syrboıylyqtardy jańa kópirdiń ashylýymen quttyqtady. 

Foto: Qyzylorda oblysy ákimdigi

«Mereke qarsańynda oblysymyzda áleýmettik mańyzy bar jańa nysandar ashylyp, turǵyn úıler, jaıaý júrginshiler kópirleri halyqqa paıdalanýǵa berilýde. Mine, búgin «Batys Eýropa – Batys Qytaı» avtodálizi boıynda jol aıyryǵyna salynǵan jańa kópir el ıgiligine tabystalmaqshy. Jańa kópir qurylysyna respýblıkalyq jáne oblystyq bıýdjet esebinen - 5,7 mlrd teńge qarjy baǵyttaldy. Bul kópirdiń basty qyzmeti - Qyzylorda qalasynyń sol jaǵalaý bóligindegi halyqaralyq mańyzy bar avtokólik trassasyn qaýipsiz jáne úzdiksiz kólik aǵymymen baılanystyrý bolyp tabylady. Atalmysh nysannyń bas merdiger mekemesi «Bazis Construction» JShS-ne barsha oblys turǵyndary atynan alǵysymdy bildiremin», - dedi Danııar Janalınov. 

Aıta keteıik, dál osyndaı temir jol ústinen ótetin jaıaý júrginshiler kópiri qalanyń eki jerinde salyndy. Al «Qyzyljarma» kanaly arqyly Báıterek shaǵyn aýdanyna ótetin jańa kópir jaqyn kúnderi paıdalanýǵa beriledi. 

Keler jyly quny 4,7 mlrd teńge bolatyn Janqoja batyr kóshesi arqyly temir jol astynan ótetin avtojol qurylysy bastalady.