Qyzylorda turǵyny jalǵan senimhat arqyly mekeme qarajatyn jymqyrǵan
Ol 2018 jyly taratylǵan «Syrdarııa aýdandyq týberkýlezge qarsy dıspanseri» MKK-nyń esep-shotyndaǵy 8 200 000 teńge kólemindegi qarjyny aldaý jolymen jymqyrǵan.
— Sotqa deıingi tergep-tekserý barysynda ol 2023 jyldyń qyrkúıek aıynda «Qazaqstan Halyq Banki» AQ Astana qalasyndaǵy fılıalynyń avtokassalarynan aqshalaı qarajatty alyp alǵany anyqtaldy. Onda MKK basshylarynyń atynan jalǵan senimhat arqyly «áreketsizdik mártebesin esepten alý týraly» jáne «paıdalanýshyny «Online bank» júıesine qosý týraly» jalǵan senimhaty arqyly banktik qujattar usynylǵan. Saldarynan memleketke 8 200 000 teńge kóleminde iri zalal keltirildi. Kúdiktige qatysty sot úkimi shyqty. Sottalýshy QR Qylmystyq kodeksiniń 190-baby 3-bóligi 1)-tarmaǵymen kináli dep tanyldy. Oǵan 4 jyl merzimge bas bostandyǵyn shekteý jazasy taǵaıyndaldy. Sondaı-aq ol memlekettik qyzmette, jergilikti ózin-ózi basqarý organdarynda, qarjy uıymdarynda materıaldy jaýapty laýazymdardy atqarý quqyǵynan 4 jyl merzimge aıyryldy. Tergep tekserý barysynda memleketke keltirilgen zalal tolyq óndirildi, — dep málim etti QR Qarjy monıtorıngi agenttiginiń Qyzylorda oblysy boıynsha departamenti.
Eske salsaq, budan buryn Qyzylorda oblysynda 20 mln teńgege baǵalanǵan esirtkini tasymaldaǵan adam ustaldy.