Qyzylordada zańsyz oıyn bıznesin uıymdastyrǵandar sottaldy

<p>QYZYLORDA. KAZINFORM - Zańsyz oıyn bıznesin uıymdastyrǵan Astana qalasynyń turǵyny M.Talǵatova men qyzylordalyq T.Býrıkýlova esimdi azamatsha sottaldy.&nbsp;</p>

Jazaǵa tartylǵan eki sottalýshy 2023 jyldyń maýsymy men 2024 jyldyń tamyz aıy aralyǵynda qylmystyq áreketke baryp, mol tabysqa kenelgen. 

— Adamdar tobynyń aldyn ala sóz baılasýymen oıyn bıznesin Instagram áleýmettik jelisindegi paraqsha arqyly lıtsenzııasyz júzege asyrǵan. Nátıjesinde 27 473 328 teńge asa iri mólsherde tabys tapqan. Sot úkimimen M.Talǵatova men T.Býrıkýlova QR Qylmystyq Kodeksiniń 307-babynyń 3-bóliginiń 2) tarmaǵynyń talabyna sáıkes kináli dep tanyldy. Olar 3 jyl 6 aı merzimge shartty túrde sottaldy, — dep málim etti Qyzylorda oblysy boıynsha ekonomıkalyq tergep-tekserý departamentinen.

Aıta ketsek, budan buryn Qarjy monıtorıngi agenttiginiń Qyzylorda oblysy boıynsha departamenti jalǵan senimhat arqyly mekeme qarajatyn jymqyrǵan B.Rasılov esimdi azamattyń jolyn kesti.