Qyzylordada turǵyn úıde bolǵan órtten 46 jastaǵy azamatty kúıik shaldy

<p>QYZYLORDA. KAZINFORM - Qyzylorda oblysy Tasbóget kentinde turǵyn úı garajynda bolǵan órtten jeńil avtokólik tolyǵymen janyp, 46 jastaǵy azamat dene kúıigi jaraqatymen aýrýhanaǵa jatqyzyldy.</p>

Oqıǵa 12 sáýirde saǵat 16.57- de Qyzylorda qalasyna qarasty Tasbóget kentindegi turǵyn úıdiń aýlasynda bolǵan.

Turǵyn úıge japsarlas salynǵan monsha men garaj janǵan. Saldarynan garaj ishindegi «Nıva» markaly jeńil avtokóligi tolyǵymen janǵan. Órt saǵat 17.38-de tolyq sóndirildi. Órt saldarynan 1978 jyly azamat dene kúıigi jaraqatymen aýrýhanaǵa jatqyzyldy. Órttiń shyǵý sebebi anyqtalýda. Oqıǵa ornynda tótenshe jaǵdaılar departamentinen, Apattar medıtsınasy ortalyǵynyń fılıalynan, jergilikti polıtsııa qyzmeti basqarmasy, Qyzylorda elektr torabyn taratý mekemesinen mamandar jumys atqardy.