Qyzylordada tanysynyń telefonynan 4 mln teńgeni jymqyrǵan azamat ustaldy

<p>QYZYLORDA. KAZINFORM - Qyzylorda qalasynda tanysynyń telefonyn urlaý arqyly 4 mln teńgeni basqa bank esepshotyna zańsyz aýdarǵan 30 jastaǵy azamat ustaldy.</p>

Qyzylorda qalalyq polıtsııa basqarmasyna 68 jastaǵy qala turǵyny shaǵymdandy. Ol tanysynyń telefonyn urlap alǵanyn, bank qosymshasynan 4 mıllıon teńgeni  basqa bank esep shottaryna zańsyz aýdaryp alǵanyn aıtqan. 

«Jedel-izdestirý is-sharasy barysynda 30 jastaǵy kúdikti anyqtalyp, basqarmaǵa jetkizildi. Qazirgi ýaqytta kúdiktige qatysty aqparattyq júıege zańsyz kirý jolymen jasalǵan urlyq boıynsha sotqa deıingi tergep-tekserý áreketteri bastaldy», - dep málim etti Qyzylorda qalalyq polıtsııa basqarmasynan.

Eske sala keteıik, budan buryn Qyzylorda oblysynda qos azamattyǵy bar reseılik áıel anyqtalǵan edi.