Qyzylordada skýter tizgindegen jasóspirim jol apatyna ushyrady

<p>Qyzylordada skýter tizgindegen jasóspirim jol apatyna ushyrady, dep habarlaıdy <a href="https://kaz.inform.kz/" target="_blank" rel="noopener">QazAqparat </a>tilshisi.</p>

Qyzylorda qalasyndaǵy Muratbaev pen Jeltoqsan kósheleriniń qıylysynda «Nissan Juke» avtokóligi men skýter soqtyǵysyp, jol-kólik oqıǵasy boldy. Skýterdi kámeletke tolmaǵan jasóspirim tizgindegen, ol birden aýrýhanaǵa jetkizildi. Jol apaty boıynsha saraptama taǵaıyndalyp, tekserý júrgizilýde.

«Qyzylordada mopedterdiń, elektroskýterlerdiń jáne mıkromobıldi kóliktiń basqa túrleriniń qozǵalysyna qatysty másele bar. Kóbine osy kólik túrlerin júrgizetin adamdar jol júrý erejesin buzady, sol arqyly basqa júrgizýshilerge jáne jolaýshylarǵa qaýip tóndiredi» deıdi oblystyq polıtsııa departamentinen.

Eske salsaq, budan buryn Qyzylordada ózine senip tapsyrylǵan 21 túıeni satyp jibergen baqtashy qolǵa tústi.