Qyzylordada Seýl ýnıversıtetiniń fılıaly ashylmaq

<p>Qyzylordada Qorqyt Ata atyndaǵy ýnıversıtet janynan Seýl ýnıversıtetiniń jasandy ıntellekt jáne ınformatıka joǵary mektebi ashyldy. Bul týraly óńir ákimi Nurlybek Nálibaev elordada eseptik kezdesýinde aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

«Bıyl mamyr aıynda Koreıa Respýblıkasyna arnaıy issaparmen bardyq. Bizben birge Qorqyt Ata ýnıversıtetiniń basshysy men birneshe ǵalym boldy. Іssapar barysynda Seýl ulttyq ǵylym jáne tehnologııa ýnıversıteniniń prezıdentimen kezdesip, biraz pikirlestik. Áriptestik memorandýmǵa qol qoıdyq. Jaqynda sol ýnıversıtettiń basshylary kelip, Qorqyt Ata ýnıversıtetiniń bazasynda Intellekt jáne ınformatıka joǵary mektebin ashty. Onda 40-tan asa stýdent bilim alyp jatyr. Bul — jobanyń basy ǵana», — dedi Nurlybek Nálibaev Ortalyq kommýnıkatsııalar qyzmetinde ótken baspasóz máslıhatynda.

Oblys ákimi Ǵylym mınıstri Saıasat Nurbektiń Qyzylordada Seýl ýnıversıtetiniń fıllıalyn ashý boıynsha kómek kórsetip jatqanyn jetkizdi.

«Intellekt jáne ınformatıka joǵary mektebinde IT salasyndaǵy kadrlardy daıyndap jatyrmyz. Aldaǵy ýaqytta olardyń sanyn kóbeıtemiz. Bul ýnıversıtetpen bizdiń kelisimimiz bar. Kelesi jyly bári durys bolsa, olar (Seýl ulttyq ǵylym jáne tehnologııa ýnıversıteti) osy óńirde ýnıversıtettiń fılıalyn ashady. Fılıal ashylsa, ǵımarat jáne bárimen tolyq qamtamasyz etemiz. Osy baǵytta jumys istep jatyrmyz. Árıne, bir elmen shektelip qalmaımyz. Basqa da eldermen kelissóz júrgizip jatyrmyz. Endi ony naqty sheshim qabyldaǵannan keıin jarııalaımyz. Bul másele tolyq sheshilmegendikten aldyn ala aıtpaı-aq qoıaıyn», — dep jaýap berdi N. Nálibaev tilshi saýalyna. 

Aıta keteıik, «Jaıly mektep» ulttyq jobasy aıasynda Qyzylorda oblysynda 21 mektep salynady.

Budan bólek, 2 myńǵa jýyq mektepke japsarlas ǵımarattar salynýda.