Qyzylordada polıtsııa qyzmetkerin qaǵyp ketken kólik júrgizýshisi ustaldy

<p>QYZYLORDA. KAZINFORM &ndash; Qyzylordada kólikti mas kúıinde aıdaǵan júrgizýshi polıtsııa qyzmetkerine avtokólikpen dene jaraqatyn keltirdi. Oqıǵa ornynan qashyp ketýge árekettengen ol kóp uzamaı qolǵa tústi. &nbsp;</p>

Qyzylorda qalalyq polıtsııa basqarmasy patrýldik polıtsııa qyzmetkerleri Qorqyt ata kóshesiniń boıynda «Volkswagen Touareg» markaly avtokólik júrgizýshisin jol belgisi talabyn saqtamaǵany úshin toqtaýdy suraǵan. Ol polıtsııa talabyna baǵynbaı, qalaǵa irgeles Qaraýyltóbe aýylyna qaraı qashyp, kúrishtik alqabyna túsken.

«Tosqaýyl jasaýǵa kómekke kelgen polıtsııa narıadynyń qyzmetkeri avtokólik aldynan jaıaý shyǵyp toqtatýǵa árekettengen. Júrgizýshi zańdy talabyna baǵynbaı, polıtsııa qyzmetkerin qaǵyp, oqıǵa ornynan boı tasalaǵan. «Tosqaýyl» arnaıy jospary engizildi. Kezekshi táýlikte 32 jastaǵy kúdikti ustalyp, orta dárejeli masań ekendigi anyqtaldy. Kólik júrgizýshisi ýaqytsha ustaý ızolıatoryna qamaqqa alynyp, avtokólik aıypturaqqa qoıyldy. Qazir oǵan bılik ókiline qatysty kúsh qoldaný deregi boıynsha sotqa deıingi tergep-tekserý amaldary júrgizilýde», - dep málim etti Qyzylorda oblystyq polıtsııa departamentinen.

Eske salsaq, budan buryn Qyzylorda oblysynda otbasynda janjal shyǵarǵan 79 adam esepke alyndy.