Qyzylordada polıtsııa qyzmetkeri kópirden sekirmekshi bolǵan áıeldi qutqaryp qaldy

<p>Qyzylorda qalasynda polıtsııa qyzmetkeri kópirden sekirmekshi bolǵan áıel kisini qutqaryp qaldy, dep habarlaıdy <a href="Kazinform." target="_blank" rel="noopener">Kazinform.</a></p>

Qyzylorda oblysy Polıtsııa departamentiniń qyzmetkeri polıtsııa serjanty Qýanysh Qaırat bir azamatshanyń ómirin qutqaryp qaldy. 

«Polıtsııa serjanty qyzmetin atqarý barysynda sol jaǵalaý bóligine baratyn kópirden sekirmekshi bolǵan azamatshany baıqaǵan. Dereý «102» arnasyna habarlama berip, jedel-tergeý toby kelemin degenshe azamatshany sózge tartqan. Polıtsııa serjanty áıel kisi tómenge qaraı sekirýge áreket etken sátinde belinen ustap alyp, onyń ómirine arasha tústi. Tekserý barysynda turǵynnyń sýıtsıd jasaýyna otbasylyq kıkiljińniń áser etkeni belgili boldy. Qazirgi tańda azamatshanyń jaǵdaıy turaqty», - dep málim etti Qyzylorda oblystyq polıtsııa departamentinen.

Eske salsaq, Qyzylorda oblysynda bıyl qyzmettik ıtteri kómegimen 143 qylmys ashylǵan.