Qyzylordada polıtsııa kıimimen zańsyz beınerolık túsirgen adam jazaǵa tartyldy

<p>QYZYLORDA. KAZINFORM &mdash; Qyzylorda qalasynda polıtsııa qyzmetkerlerine arnalǵan kıimdi zańsyz kıip beınerolık túsirgen adam jazaǵa tartyldy.</p>

Oqıǵa bıylǵy jyldyń 25 maýsymynda saǵat 17:00 shamasynda bolǵan. Jergilikti azamat Syrdarııa ózeni jaǵasynda gúlderdi jarnamalaý barysynda polıtsııa qyzmetkerlerine arnalǵan kıimdi zańsyz kıip beınerolık túsirgen. 

«Onyń quqyq buzýshylyq áreketi, ákimshilik quqyq buzýshylyq týraly hattamasy, túsinigi, zattardy alyp qoıý týraly hattamasymen, jınaqtalǵan qujattarmen tolyq dáleldenip bekitildi. Onyń tarapynan Ákimshilik quqyq buzýshylyq týraly kodeksiniń 675-babynyń 1-bóligindegi quqyq buzýshylylyqqa jol berilgen. Sebebi ol aıyrym belgileri, nyshany bar áskerı kıim nysanyn, sondaı-aq nysandy kıim men arnaýly kıim-keshekti zańsyz kıip júrgen. Atalǵan baptyń sanktsııasy negizinde odan arnaýly nyshan kıimi tárkilendi. Oǵan 12 922 teńge aıyppul salyndy», — dep málim etti Qyzylorda qalasynyń ákimshilik quqyq buzýshylyqtar jónindegi mamandandyrylǵan sotynan.