Qyzylordada polıtseıler 76 kıikti zańsyz tasymaldaǵan kúdiktilerdi ustady
6 aqpanda saǵat 22:30-de Qyzylorda qalasy polıtsııa basqarmasynyń patrýldik polıtsııa qyzmetkerleri «Brakoner» is-sharasy aıasynda «Jezqazǵan-Qyzylorda» tasjolynda «Toyota Hilux» jáne «Toyota land Sruiser» avtokólikterin toqtatpaqshy boldy. Kúdiktiler polıtsııanyń toqtatý týraly zańdy talabyna baǵynbaı, boı tasalaǵysy kelgen.
«Tártip saqshylary kúdiktilerdi ustady. Oqıǵa ornyna jetken jedel tergeý toby tekserý barysynda eki kólikten 76 bas kıiktiń ushasyn, jáne 9 oq dárini tárkiledi.Atalǵan derek boıynsha ustalǵan 28 jáne 35 jastaǵy qala turǵyndaryna qatysty sotqa deıingi tergep-tekserý áreketteri júrgizilýde. Tıisti sot saraptamasy taǵaıyndalyp, olarǵa qatysty bultartpaý sharasy sheshilýde», - dep málim etti Qyzylorda oblystyq polıtsııa ıadepartamentinen.
«Brakoner» jedel-profılaktıkalyk is-sharasy barysynda tabıǵat qorǵaý zańnamasynyń 2 deregi anyqtaldy. Budan bólek 9 kıik ushasynyń alyný deregi boıynsha da tergep-tekserý áreketteri bastaldy.
Eske salsaq, budan buryn Qyzylorda oblysynda eldi qorqytyp, múlik, aqsha talap etken advokat 5 jylǵa sottaldy.