Qyzylordada ózine senip tapsyrylǵan 21 túıeni satyp jibergen baqtashy qolǵa tústi

<p><span style="font-family: sans-serif; font-size: 18px;">Qyzylorda oblysynda quny 9 mln teńgeni quraıtyn 21 túıeni urlap, satyp jibergen baqtashy qolǵa tústi, dep habarlaıdy QazAqparat tilshisi.</span></p>

Eki jyl buryn Qyzylorda oblysynyń Qazaly aýdanynda aýyl sharýashylyǵy mekemesiniń basshysy 53 túıesin jergilikti baqtashyǵa senip tapsyrǵan. Ýaqyt óte malyn sanaǵanda edáýir bóligi joq bolyp shyqty.

«Sharýashylyq basshysy aýdandyq polıtsııa bólimine 21 túıesiniń joǵalǵany jóninde aryzdandy. Tekserý barysynda polıtsııa qyzmetkerleri oǵan baqtashynyń qatysy bar ekenin anyqtady. Ol maldyń kóp bóligin ıemdenip, soıyp, etin satyp jibergen. Al aqshasyn óz qajetine jumsaǵan. Jábirlenýshige kelgen shyǵyn - 9 mln teńge», - dep málim etti Qyzylorda oblystyq polıtsııa departamentinen.

Vedomstvo málimetinshe, atalǵan derek boıynsha QR Qylmystyq kodeksiniń 189-baby boıynsha sotqa deıingi tergeý amaldary júrip jatyr.

Kúdikti aýdandyq polıtsııa bóliminiń ýaqytsha ustaý ızolıatoryna qamaýǵa alyndy. Oqıǵanyń mán-jaıy anyqtalýda.

Eske salsaq, budan buryn Qyzylorda oblysynda maýsym aıynan beri 2 tonnaǵa jýyq esirtki tárkilengen edi.