Qyzylordada órtten bir adamdy kúıik shalyp, 35 adam evakýatsııalandy

<p>QYZYLORDA. KAZINFORM - Qyzylorda qalasynda kóp qabatty úıdegi páterde shyqqan órtten bir adamdy kúıik shalyp, oblystyq aýrýhanaǵa jetkizildi.</p>

9 naýryzda saǵat 22-den 14 mınýt 112 qutqarý qyzmetine Qyzylorda qalasyndaǵy, Syrdarııa shaǵyn aýdanyndaǵy kóp qabatty turǵyn úıde órt shyqqany týraly habarlama kelip tústi.

«Oqıǵa ornyna jedel kelgen órt sóndirýshiler tórtinshi qabattaǵy páterdiń órtenip jatqanyn anyqtady. Jedel áreket etý nátıjesinde saǵat 22.44-de órt tolyǵymen sóndirildi. Oqıǵa barysynda 35 adam evakýatsııalanyp, avtosaty jáne baspaldaq arqyly 3 adam qutqaryldy. Órtten 1 adam kúıik jaraqatyn alyp, oblystyq aýrýhanaǵa jetkizildi. Oqıǵa ornynda oblystyq TJD jeke quramynyń 22 adamy jáne 5 birlik tehnıkasy jumys jasady», - dep málim etti Qyzylorda oblystyq Tótenshe jaǵdaılar departamentinen.

Eske salsaq, budan buryn jańbyrdan keıin Aral qalasynyń kóshelerin sý basty.