Qyzylordada oqýshyny jezókshelikke májbúrleýge qatysty 13 adam anyqtaldy

<p>ASTANA. KAZINFORM &ndash; QR Іshki ister mınıstriniń orynbasary Igor Lepeha Qyzylordada 16 jasar oqýshyny jezókshelikke májbúrleý týraly qylmystyq iske qatysty jańa derekterdi jarııalady.</p>

«Osy boıynsha 13 adam anyqtaldy, onyń ishinde 11-i qamaýǵa alyndy, ekeýi úı qamaqta otyr. Qazirgi kezde birqatar bap boıynsha qylmystyq ister qozǵaldy. 13 adamnyń arasynda qyzdy májbúrlegender de, uıymdastyrǵandar da bar. Bul is boıynsha basqa derekterdi jarııalaı almaımyn, sebebi onyń mán-jaıy tergeýshilerdiń quzyretinde», - dedi I. Lepeha Senattyń jalpy otyrysynan keıin tilshiler suraǵyna jaýap bere otyryp.

Onyń aıtýynsha, oqýshy qyzǵa qatysty zańsyz áreket jasaǵandardyń barlyǵy tekserilip jatyr.

Osyǵan deıin tamyz aıynyń sońynda Qyzylordada oqýshyny jezókshelikke májbúrlegen 8 kúdikti qamalǵany habarlanǵan edi. 

Eske salsaq, bıyl tamyz aıynda Qyzylorda qalasynda mektep oqýshylary «synyptasyn seks-quldyqta ustady» degen kúdikke ilindi. 

Bir top jasóspirim 16 jasar qyzdy qınap ustaǵany, esirtki berip, jezókshelikpen aınalysýǵa májbúrlegeni týraly aqparat tarady.

Oqýshy qyzdyń ata-anasy jaǵdaıdy qoǵamdyq qorǵa habarlaǵan.

Qyzylorda polıtsııasy atalǵan derek boıynsha kúdiktilerdi ustap, ýaqytsha ustaý ızolıatoryna qamady. Keıin kúdikke ilingen mektep oqýshylary úıqamaqqa aýystyryldy.

Oqıǵaǵa baılanysty №7 mektep-lıtseı dırektory, tárbıe isi jónindegi orynbasary, psıhology, áleýmettik pedagogi, synyp jetekshileri jumystan bosatyldy.