Qyzylordada muǵalim áıel kisi qolynan qaza tapty

<p>QYZYLORDA. KAZINFORM &mdash; Áleýmettik jelide aqparat tarady. Onda qala mektepteriniń birinde bastaýysh synypta sabaq beretin áıeldiń kisi qolynan qaza tapqany aıtylǵan.</p>

Bul oqıǵanyń bolǵanyn oblystyq polıtsııa departamenti rastap, tómendegishe túsinikteme berdi.

— Atalǵan derek boıynsha tergeý júrgizilýde. Kúdikti ustalyp, ýaqytsha ustaý ızolıatoryna qamaldy. Qazaqstan QR Qylmystyq kodeksiniń 201-babyna sáıkes ózge aqparat tergeý múddesine oraı jarııa etilmeıdi, — dep málim etti departamentten.

Eske salsaq, budan buryn Qyzylordada júk kóliginiń tirkemesi polıtsııanyń qyzmettik avtokóliginiń ústine qulady. Oqıǵa 7 qańtarda «Samara-Shymkent» tas jolynyń Qyzylorda qalasyna qarasty Taldyaral eldi mekeniniń tusynda bolǵan. Sol aýmaqta Qyzylorda oblystyq polıtsııa departamenti patrýldik polıtsııa rotasynyń eki qyzmetkeri jumysyn atqaryp júrgen bolatyn.