Qyzylordada mal urlyǵyn kásip etken qylmystyq top qolǵa tústi

<p>QYZYLORDA. KAZINFORM - Qyzylordada mal urlyǵymen aınalysqan úsh adamnan turatyn top ustaldy. Olar jeti mal urlyǵyna qatysty kúdikti sanalyp otyr.</p>

- Polıtseıler mal urylaryn qylmys ústinde qolǵa túsirdi. Jedel-izdestirý is-sharalarynyń nátıjesinde jábirlenýshilerge tıesili iri qara mal kúdiktilerden zattaı dálel retinde alynyp, qaıtaryldy. Tergeý barysynda kúdiktilerdiń erkin jaıylymda qaraýsyz júrgen maldardy jasyryn urlap, avtokólikpen tasymaldaǵany anyqtaldy. Mal urylary ýaqytsha ustaý ızolıatoryna qamaýǵa alyndy, - dep málim etti Qyzylorda oblystyq Polıtsııa departamentinen.

Eske salsaq, Qyzylordada munaı ónimderin zańsyz satýmen aınalysqan seriktestik dırektory sottaldy.

Sondaı-aq búgin Qaraǵandy turǵynynyń jeńil kóligine jylqy tıep alǵanyn habarladyq.