Qyzylordada qurylys kompanııasy 15 adamdy aldap ketken
04:46, 28 Aqpan 2024
<p>QYZYLORDA. KAZINFORM — Qyzylorda qalasynda 15 adamnyń páterin jóndep beremin dep aldap ketken qurylys kompanııasyna qatysty qylmystyq is qozǵaldy.</p>
Turǵyndar kelisilgen somanyń alǵashqy jarnasy retinde onyń jarty bóligin kompanııaǵa bergen. Olardyń ishinde 6,5 mln teńge berip, aldanyp qalǵandar bar.
Bul jóninde Qyzylorda oblystyq polıtsııa departamentiniń baspasóz qyzmeti tómendegishe túsinikteme berdi.
«Atalǵan derek boıynsha QR Qylmystyq kodeksiniń 190-babynyń 3-bóliginiń 1-tarmaǵymen (alaıaqtyq deregi boıynsha) qylmystyq is tirkelip, tergep-tekserý júrgizilýde.Qylmystyq-protsestik kodeksiniń 201-babynyń talaptaryna sáıkes, tergeý derekterin jarııa etýge jol berilmeıdi», — dep málim etti departamentten.
Eske salsaq, budan buryn Qyzylorda oblysynda tabıǵat qorǵaý zańnamasyn buzýdyń 190 deregi anyqtaldy.