Qyzylordada kópqabatty turǵyn úıden órt shyǵyp, eki adamdy kúıik shaldy

<p>Qyzylorda qalasynda jańadan salynyp jatqan kópqabatty turǵyn úıden órt&nbsp; shyǵyp, eki adamdy kúıik shaldy. Olar aýrýhanaǵa jatqyzyldy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Oqıǵa, búgin 12 jeltoqsanda saǵat 11.00-de Qyzylorda qalasyndaǵy Jeltoqsan kóshesi boıynda salynyp jatqan jeti qabatty «Mereı» turǵyn úı kesheniniń ekinshi qabatynda bolǵan. Syıymdylyǵy 50 lıtr gaz ballony jylytqyshynyń gaz-aýa qospasynyń jylystaýy saldarynan plastıkalyq terezeler, 22 gaz jylytqyshy jáne elektr symy órtengen.

«Órttiń jalpy aýdany – 48 sharshy metr. Oblystyq Tótenshe jaǵdaılar departamentiniń mamandary avtosaty kómegimen 8 adam qutqardy. Órt saǵat 12.00-de oqshaýlanyp, saǵat 12.08-de tolyq sóndirildi. Oqıǵa ornynda kúıik shalǵan 1969 jáne 1970 jylǵy jumysshylar aýrýhanaǵa jatqyzyldy. Dárigerler 1970 jyly týǵan azamatty densaýlyǵynyń jaqsarýyna oraı úıine jiberdi», - dep málim etti Qyzylorda oblystyq Tótenshe jaǵdaılar departamentinen.

Vedomstvo málimetinshe, oqıǵa ornynda Qyzylorda oblystyq Tótenshe jaǵdaılar departamenti, Apattar medıtsınasy ortalyǵynyń fılıaly, Polıtsııa departamenti, jedel medıtsınalyq járdem brıgadasy, Qyzylorda elektr torabyn taratý mekemesiniń mamandary jumys istegen.

Eske salsaq, budan buryn Qyzylordada káriz qudyǵyna qulap ketken balanyń máıiti syrtqa shyǵaryldy.