Qyzylordada «Qazaq tilin meńgertýge arnalǵan mátinder jınaǵy» jaryq kórdi

<p>QYZYLORDA. KAZINFORM — Qyzylorda oblysy tilderdi oqytý ortalyǵy janynan qurylǵan ǵylymı keńes músheleriniń ázirleýimen «Qazaq tilin meńgertýge arnalǵan mátinder jınaǵy» jaryq kórdi.</p>

Bul jınaq fılologııa ǵylymdarynyń kandıdaty, dotsent Aldajar Ábilovtiń bastamasymen qolǵa alynǵan.

Oǵan fılologııa ǵylymdarynyń kandıdaty Aman Abasılov jetekshilik etse, ortalyq dırektory Martana Dáýletbaevanyń redaktsııalyq basqarýymen jınaq jaryq kórdi. 

Foto: Qyzylorda oblystyq qoǵamdyq damý basqarmasy

Oqytýshylardyń birlesken ádistemelik jınaǵy til úırenýshilerdiń oqý saýaty men tildik daǵdysyn damytýǵa, anyqtaý men baqylaýǵa baǵyttalǵan. 

Sondaı-aq oblys aýmaǵyndaǵy jer-sý ataýlary arqyly memlekettik tildi deńgeılik oqytý — jınaq avtorlarynyń túpki maqsaty. 

Tusaýkeser rásiminde keńes tóraǵasy Aldajar Ábilov ortalyq janyndaǵy ǵylymı keńes músheleriniń eńbegin, til saıasatyn júrgizý baǵytyndaǵy jumystaryn joǵary baǵalady.

Foto: Qyzylorda oblystyq qoǵamdyq damý basqarmasy

Odan keıingi kezekte jınaqtyń lentasy qıyldy.