Qyzylordada qarjy pıramıdasyn uıymdastyrǵan áıel ustaldy

<p>Qyzylorda oblysy boıynsha ekonomıkalyq tergep-tekserý departamenti &laquo;Chia-Tai-Tianqing Pharmaceutical&raquo; qarjy pıramıdasynyń Qyzylorda qalasyndaǵy qurylymdyq bólimshesin basqarǵan kúdiktini qamaýǵa aldy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Oblys ortalyǵynda turatyn 1992 jylǵy A.P esimdi azamatsha qala aýmaǵynda 2022 jyldyń qarashasy men 2023 jyldyń sáýir aıy aralyǵynda qarjy (ınvestıtsııalyq) pıramıdasyn qurǵan.

«Ol tartylǵan qarajat arqyly qabyldanǵan mindettemelerdi qamtamasyz etetin kásipkerlik qyzmetke paıdalanbaı, jeke, zańdy tulǵalardyń aqshasyn nemese ózge múlkin ne oǵan quqyǵyn qaıta bólý jáne bir qatysýshyny basqalardyń jarnasy esebinen baıytý arqyly osy aktıvterdi tartýdan tabys alý (múliktik paıda tabý) jónindegi qyzmetti uıymdastyrǵan. Sol sııaqty qarjylyq pıramıdanyń qurylymdyq bólimshesine basshylyq etip, aqshany nemese ózge múlikti tarta otyryp, QR Qylmystyq kodeksiniń 217-baby 3-bóligi 2) tarmaǵynda kózdelgen qylmystyq quqyq buzýshylyqty qasaqana jasaǵan», - dep málim etti Qyzylorda oblysy boıynsha ekonomıkalyq tergep-tekserý departamenti.

Vedomstvo málimetinshe, atalǵan azamatshanyń 24 salymshyǵa jalpy 26 130 190 teńge kóleminde asa iri mólsherde múliktik zalal keltirgeni anyqtaldy.

Bul kompanııa ózin ınvestıtsııalyq uıym retinde kórsetip, joǵary jáne turaqty tabys ákelýge ýáde bergen.

Eske salsaq, budan buryn Qyzylorda oblysynda memleketke 101 mln teńge qaıtaryldy.