Qyzylordada káriz qudyǵyna qulap, kóz jumǵan balanyń qazasyna qatysty qylmystyq is qozǵaldy

<p>Qyzylordada abaısyzda qalalyq káriz qudyǵyna qulap, qaıtys bolǵan segiz jastaǵy balanyń qazasyna baılanysty qylmystyq is qozǵaldy, dep habarlaıdy <a href="Kazinform" target="_blank" rel="noopener">Kazinform</a>.</p>

Búgin, 25 qarashada saǵat 13.24-te Qyzylorda oblysy Tótenshe jaǵdaılar departamenti Daǵdarys jaǵdaılarynda basqarý basqarmasyna habarlama kelip tústi.

Oblys ortalyǵyndaǵy Balqy bazar kóshesi boıynda ornalasqan №5 emhananyń janynda jasóspirim abaısyzda qalalyq káriz qudyǵyna túsip ketken. Saǵat 18:00-de qutqarýshylar kúshimen 2015 jylǵy balanyń máıiti káriz qudyǵynan tabylyp, syrtqa shyǵaryldy.

«Atalǵan oqıǵa boıynsha QR Qylmystyq kodeksiniń 279-babynyń 1-bóligimen qylmystyq is qozǵalyp, sot medıtsınalyq saraptama taǵaıyndaldy. Bul boıynsha, QR Qylmystyq-protsestik kodeksiniń 24-babynyń talabyna sáıkes, barlyq tergep-tekserý amaldary júrgizilýde. QR Qylmystyq-protsessýaldyq kodekstiń 201-babynyń talabyna sáıkes qylmystyq is boıynsha qandaı da tergeý áreketi jarııalaýǵa jatpaıtynyn jetkizemiz», - dep málim etti Qyzylorda qalalyq polıtsııa basqarmasynan.