Qyzylordada halyqaralyq sýretshiler sımpozıýmy bastaldy

<p>QYZYLORDA. KAZINFORM &mdash; Qyzylorda oblysynda jarııalanǵan Rýhanııat jyly aıasynda halyqaralyq &laquo;Qylqalamda máńgilik el beınesi&raquo; atty sýretshiler sımpozıýmy bastaldy. Saltanatty sharada Qyzylorda oblysy ákimi apparatynyń basshysy Shahmardan Baımanov kelýshilerge alǵys bildirip, sýretshilerge sáttilik tiledi.</p>

Sımpozıýmda Halyq sýretshisi Á.Qasteev bastaǵan qylqalam sheberleriniń kartınalary jas urpaqqa nasıhattalyp, mádenı murany kózdiń qarashyǵyndaı saqtaý, beıneleý óneriniń qazirgi baǵyty men damýy týraly aıtylady.

Foto: Qyzylorda oblysynyń ákimdigi

Halyqaralyq sımpozıýmǵa Ózbekstan, Qyrǵyzstan elderimen qatar, respýblıkaǵa tanymal qylqalam sheberleri men jergilikti sýretshiler qatysyp jatyr. 

Qylqalam sheberleri oblys tarıhymen tanysyp, kórnekti jerlerin aralady. Qalanyń eski kelbetine kóz saldy. 

Foto: Qyzylorda oblysynyń ákimdigi

Osy arqyly sýretshiler qazirgi qaladaǵy ózgeristerdi kompozıtsııaǵa beıneleıdi.

21 mamyr Óner ortalyǵynda uıymdastyrylatyn kórmemen sımpozıým jumysy máresine jetedi.

Eske salsaq, budan buryn halyqaralyq aıtysta Muhtar Nııazov bas júlde aldy.