Qyzylordada energııamen jabdyqtaýshy uıymdardyń tarıfterinen negizsiz shyǵyndar alynyp tastaldy

<p>Qyzylorda oblysynyń energııamen jabdyqtaýshy uıymdary elektr energııasyn óndirý jáne ótkizýge qatysy joq shyǵyndardy elektr energııasynyń tarıfterine qosqan, dep habarlaıdy <a href="Kazinform." target="_blank" rel="noopener">Kazinform.</a></p>

Qarjylyq monıtorıng agenttiginiń Qyzylorda oblysy boıynsha departamenti elektr energııasyna tarıfterdi qalyptastyrýǵa taldaý júrgizdi. Nátıjesinde áleýmettik nysandardy elektrmen qamtamasyz etetin úsh kásiporynnyń ákimshilik ǵımaraty, kólik quraldaryn jalǵa alý jáne basqa da shyǵyndardy tarıfke qosqany anyqtaldy. 

«Departament pen Tabıǵı monopolııalardy retteý departamenti qabyldaǵan sharalar nátıjesinde energııamen jabdyqtaýshy uıymdardyń tarıfterinen negizsiz shyǵyndar alynyp tastaldy. Osylaısha Qyzylorda qalasy men oblystyń 5 aýdanyndaǵy (Jańaqorǵan, Shıeli, Syrdarııa, Jalaǵash jáne Qarmaqshy) barlyq bıýdjettik uıym úshin tarıf 18,8%-ǵa, ıaǵnı, kVt/saǵ úshin 38,75-ten 31,45 teńgege deıin tómendedi», - dep málim etti Qarjylyq monıtorıng agenttiginiń Qyzylorda oblysy boıynsha departamenti. 

Vedomstvo málimetinshe, jyl saıynǵy bıýdjet qarajatyn únemdeý 380 mln teńgeden asady. 

Eske salsaq, budan buryn Qyzylorda oblysyndaǵy mektepterde sottalǵan jáne jalǵan dıplommen jumys istegen adamdar anyqtaldy.