Qyzylordada dárigerler naýqastan úlken jatyr mıomasyn alyp tastady
Skrınıng ótý barysynda naýqastan úlken mıomatozdy túıin ýltradybystyq zertteý arqyly anyqtalǵan. Onyń syrqaty birneshe aıǵa sozylǵan. Naýqas ósip kele jatqan ish pen tartylǵan aýyrsynýǵa baılanysty shaǵymdanǵan.
«Dárigerler tekserýinen keıin oǵan jatyrdyń úlken túıindik mıomasy dıagnozy qoıylǵan. Naýqas oblystyq perınataldyq ortalyǵynyń gınekologııa bólimine jiberildi. Oǵan bir jarym saǵatqa sozylǵan laparotamııa otasy jasaldy. Otadan keıin naýqas ózin jaqsy sezinip, úıine shyǵaryldy. Ol endi turǵylyqty jeri boıynsha emhanada gınekologtyń qadaǵalaýynda bolady», - dedi gınekologııa bóliminiń meńgerýshisi Azız Qurbanbaev.
Kúrdeli otany arnaıy ota blogy bar qabyldaý bóliminiń meńgerýshisi Alekseı Kım, gınekologııa bóliminiń meńgerýshisi Azız Qurbanbaev jasady. Otadan keıin naýqas gınekologııa bóliminde dárigerler baqylaýynda boldy. 2024 jyldyń basynan bastap oblystyq perınataldyq ortalyǵynyń gınekologııa bólimshesinde ártúrli mólsherdegi mıomany joıý boıynsha 15-ke jýyq ota jasalǵan.
Eske salsaq, budan buryn Qyzylorda oblysynda 14 bala terezeden qulap ketti.