QYZYLORDA. KAZINFORM - Qyzylorda oblysynda bıýdjet qarajatyn jeke esepshotyna zańsyz aýdaryp alǵan bas esepshiniń ústinen qylmystyq is qozǵaldy.
Oblys prokýratýrasy bıýdjet qarajatyn jumsaýdyń zańdylyǵy men tıimdiligine taldaý júrgizdi.
Sol arqyly «Daryn» oblystyq qosymsha bilim berý ortalyǵynyń bas esepshisi zańsyz áreketin áshkereledi.
- Bas esepshi issapar men jalaqyǵa kózdelgen 50 mln teńge bıýdjet qarajatyn óziniń jeke esep shotyna zańsyz aýdaryp alǵan. Atalǵan derek boıynsha oblys prokýratýrasymen QR Qylmystyq kodeksiniń 189-baby 4-bóliginiń 2)tarmaǵymen qylmystyq is tirkeldi. QR Qazaqstan Respýblıkasynyń Qylmystyq-protsestik kodeksiniń 201-babynyń talabyna sáıkes ózge aqparat jarııalanýǵa jatpaıdy, - dep málim etti Qyzylorda oblystyq prokýratýrasynan.
Eske salsaq, budan buryn Qyzylorda oblysynda balabaqsha ashanasynda tyshqan júrgeni jóninde beınejazba tarady.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.