Qyzylordada bıyl úıinen ketken 22 jasóspirim aman tabylǵan

<p>QYZYLORDA. KAZINFORM&nbsp;&mdash; Bıyl Qyzylorda qalasynda polıtseıler joǵalǵan 22 jasóspirimdi izdep tapty.</p>

Jyl basynan beri basqarmanyń 102 arnasyna úıinen shyǵyp ketip, qaıta oralmaǵan jasóspirimderge baılanysty 22 habarlama tirkelgen. 

Bul boıynsha 23:00-den keıin qoǵamdyq orynda júrgen 9 jasóspirimniń zańdy ókilderine Ákimshilik quqyq buzý kodeksiniń 442-baby 2-bóligimen ákimshilik shara qoldanyldy.  

Al 6 jasóspirimge qatysty sotqa deıingi tergep-tekserýdiń biryńǵaı tizilimine tirkelip, qalǵan 16-na qatysty qujattar jınaqtalyp, nomenklatýralyq iske joldandy. 

«Birneshe márte belgisiz baǵytqa ketip qalý deregin qaıta qaıtalap jasaǵany úshin 1 jasóspirim esepke alyndy. Qazirgi tańda ol devıantty minez-qulyq balalarǵa arnalǵan mektep-ınternatyna jatqyzyldy. Odan bólek ata-anasyna qatysty ákimshilik shara kórildi», — deıdi Qyzylorda qalalyq polıtsııa basqarmasynyń bastyǵy Aıdar Qasanov.

Eske salsaq, budan buryn Qyzylordada adamdarǵa pyshaq jaraqatyn salǵan kúdikti ustalǵan edi.