Qyzylordada bıyl turǵyndar avtokóligine 290 mıllıon teńgege VIP nómir satyp alǵan

<p>QYZYLORDA. KAZINFORM - Qyzylorda oblysynda bıyl VIP memlekettik nómirge turǵyndar 290 mıllıon teńgeden astam qarajat jumsaǵan.</p>

Mamandandyrylǵan Halyqqa qyzmet kórsetý ortalyqtarynda joǵary suranysqa ıe 803 nómir berilgen.

«Bıyl óńirde 070, 077, 101 tsıfrlyq belgisi bar memlekettik nómirler joǵary suranysqa ıe bolyp otyr. Árbir osyndaı nómirdiń memlekettik baj mólsheri 57 aılyq eseptik kórsetkishti (2024 jyly - 210 444 teńge) quraıdy. Eń qymbat áripteri birdeı VIP nómirler - 001, 002, 003, 004, 005, 006, 007, 008, 009, 777. Árbir osyndaı nómir úshin memlekettik baj 285 AEK quraıdy, ol shamamen 1 052 220 teńge», - dep málim etti Mamandandyrylǵan Halyqqa qyzmet kórsetý ortalyǵynan.

Aıta ketsek, joǵary suranysqa ıe nómerlerdi satý respýblıkada 10 jyl buryn engizildi.

Jyl basynan beri oblysta Mamandandyrylǵan HQKO-da 2700-den astam avtokólik tirkelip, 1197 júrgizýshi kýáligi berilgen.

Eske salsaq, budan buryn Qyzylordada osal toptaǵy otbasylarǵa 150 páterdiń kilti tabystaldy.