Qyzylordada bıyl 12 adam jol apatynan qaza tapqan
Qyzylorda qalasy polıtsııa basqarmasynyń qyzmetkerleri jol qozǵalysy qaýipsizdigin qamtamasyz etý maqsatynda júıeli túrde jedel-profılaktıkalyq is-sharalar júrgizip keledi.
Soǵan qaramastan qala kóleminde jyl basynan beri 110 jol-kólik oqıǵasynan 12 adam qaza taýyp, 127 adam ártúrli dene jaraqatyn alǵan.
«Adamdar kólik quraldaryn paıdalaný barysynda qoǵam ómirine qaýip týdyratyn jaǵdaılardyń da kóbeıgenin baıqaýǵa bolady. Jol qozǵalys oqıǵasy ózdiginen týyndamaıdy. Ol qozǵalys erejeleriniń qandaı da bir talaptaryn saqtamaǵandyqtan bolady. Polıtsııa qyzmetkerleri jol qaýipsizdigin jáne turǵyndardyń ómirin qamtamasyz etý úshin kúndiz-túni reıd ótkizip jatyr», - dep málim etti Qyzylorda qalalyq polıtsııa basqarmasynan.
Eske salsaq, budan buryn Qyzylordada jol apatynan bir adam qaza taýyp, eki adam jaraqat alǵan edi.