Qyzylordada bıyl 10 búldirshin terezeden qulap ketken

<p>QYZYLORDA. KAZINFORM — Qyzylorda oblysynda ata-anasy qadaǵalaýsyz qaldyrǵan 10 bala kópqabatty úıdiń terezesinen qulap ketken.</p>

Byltyr dál osyndaı 14 oqıǵa kezdesken edi.

Bıylǵy bes aıdyń ishinde dál osyndaı 9 jaǵdaıda 10 bala jaraqat aldy. Oqıǵanyń barlyǵy Qyzylorda qalasynda bolǵan.

Aıta ketsek, mamyr aıynda bir kúnde úsh bala kópqabatty úıdiń terezesinen qulap ketken. Onyń ishinde bireýinde bir úıden eki balaǵa zaqym kelgen. 

«Balalardyń bári aman, densaýlyǵy birqalypty. Departament qyzmetkerleri qalada ornalasqan kópqabatty turǵyn úılerge eskertý jasap, úgit-nasıhat jumystaryn júrgizýde. Turǵyndardan úıde kishkentaı bala bolsa, terezeni ashyq qaldyrmaýdy suraımyz. Terezeniń qorǵanysh qabaty bolmasa moskıt toryn paıdalanýǵa bolmaıdy», — dedi oblystyq tótenshe jaǵdaılar departamenti azamattyq qorǵanys basqarmasynyń bastyǵy Jandos Júginisov.