Qyzylordada balasyna vaktsına salǵyzbaıtyn ata-analar kóbeıip keledi
Bıyl oblysta juqpaly aýrýlar beleń alyp otyr. Máselen, byltyr kókjótel múldem tirkelmese, bıyl 116 jaǵdaıy anyqtaldy.
«Oǵan azamattardyń ınfektsııaǵa qarsy ekpe almaýy basty sebep bolyp otyr. Kókjótelmen syrqattanǵan balalardyń 80-90 paıyzy vaktsına almaǵan. Ras, kókjótel asa bir qaýipti túri sanalmaıdy, Degenmen balalarda óte aýyr jaǵdaıda ótedi. Jótelgende bala tynys ala almaı, tunshyǵyp qalady. Bul máselege nemquraıdylyq tanytýǵa bolmaıdy. Oǵan qosa gepatıttiń A túri de bala densaýlyǵy úshin qaýipti. Sondyqtan da ata-analardan dálelsiz aqparattarǵa senbeýin suraımyz», – deıdi oblystyq sanıtarlyq-epıdemıologııalyq baqylaý departamenti basshysynyń orynbasary Álııa Ábdiqaıymova.
Oblystyq densaýlyq saqtaý basqarmasy basshysynyń orynbasary Maıa Mırzanovanyń aıtýynsha, turǵyndar arasynda ekpege qarsylyq jaǵdaılar keıingi kezde jıi tirkeledi.
«Oblys boıynsha qyzylshaǵa qarsy ekpege 1600-den astam balanyń ata-anasy qarsylyq bildirgen. Onyń ishinde 600-i Qyzylorda qalasynda turady», - deıdi Maıa Mırzanova.