Qyzylordada balabaqshada búldirshindi bir top bala jabylyp urǵan

<p>QYZYLORDA. KAZINFORM &ndash; Qyzylorda qalasyndaǵy balabaqshada ul balany ózimen jasty sábılerdiń urǵany anyqtaldy. Balanyń erni jyrylyp, jaraqat alǵan.</p>

Bul jaıly áleýmettik jelide anasynyń shaǵymy jarııalandy. Onda oblys ortalyǵyndaǵy «Aıala-Jan» balabaqshasynda tárbıelenip jatqan balasynyń erni jyrylyp, jaraqat alǵany aıtylǵan. Mekeme kamerasynan qaraǵan sátte ul balaǵa bir top bala jabylǵany kóringen. Jambasynan teýip, basy men betinen urǵan.

Atalǵan oqıǵa jóninde Qyzylorda qalalyq bilim bólimi tómendegishe túsinikteme berdi.

«Qalalyq bilim bólimi atalǵan balabaqshaǵa zerdeleý jumystaryn júrgizetin bolady. Málimet qosymsha habarlanady», - dep jazylǵan habarlamada.

Al Qyzylorda qalalyq polıtsııa basqarmasy bul máselege baılanysty tıisti jumystar júrip jatqanyn atap ótti.

«18 qańtarda áleýmettik jelide jarııalanǵan «Aıala Jan» balabaqshasynda bolǵan oqıǵa jónindegi jarııalanym basqarmanyń aqparattardy esepke alý kitabyna tirkeldi. Ol boıynsha qujattar jınaqtalyp, Qyzylorda oblysy bilim basqarmasyna tıisti sheshim qabyldaý úshin joldanady», - dep málim etti Qyzylorda qalalyq polıtsııa basqarmasy.

Eske salsaq, budan buryn Qyzylorda oblysynda 25 páterge túsken ury ustaldy.