Qyzylordada bala urǵan tárbıeshige is qozǵaldy

<p>Qyzylordada balabaqshada bala urǵan tárbıeshige is qozǵaldy, dep habarlaıdy <a href="https://kaz.inform.kz/" target="_blank" rel="noopener">Kazinform</a> polıtsııaǵa silteme jasap.&nbsp;</p>

Qyzylorda qalasy polıtsııa basqarmasyna ata-anadan aryz túsken.

Ol jeke balabaqshada ulyna dene jaraqatyn salǵan tárbıeshige shara qoldanýdy suraǵan. 

Aryz negizinde qylmystyq is tirkelip, QR QK 140-babynyń 2-bóligimen sotqa deıingi tergeý júrip jatyr. 

«Tárkilengen beınejazba qylmystyq iske tirkeldi. Sot saraptamalary taǵaıyndaldy. Sot-medıtsınalyq saraptama nátıjesi boıynsha balanyń „densaýlyǵyna jeńil zııan“ kelgeni belgili boldy» deıdi polıtsııadan.

Al sot-gabıtologııalyq saraptamanyń qorytyndysy áli shyqqan joq. 

41 jastaǵy tárbıeshige ІІO-ǵa kelý týraly mindetteme qabyldandy.

QR QPK 200-babyna sáıkes oblystyq bilim basqarmasyna usynys joldandy.