Qyzylordada ata-enesiniń atynan nesıe alǵan áıel sottaldy

<p>QYZYLORDA. KAZINFORM &mdash; Qyzylordada kúıeýiniń ata-anasynyń atynan alaıaqtyq jolmen nesıe alǵan kelinshekke qatysty sot&nbsp; úkimi shyqty.</p>

«Qyzylorda qalasynyń №2 sotynda Qazaqstan Respýblıkasynyń Qylmystyq Kodeksiniń 190-babynyń 3-bóliginiń 1),4)-tarmaqtarymen sottalýshy E.-ge qatysty qylmystyq is qaraldy. Sottalýshy E. uıaly telefonyndaǵy mobıldi qosymshasy arqyly qaıyn atasy men enesiniń aqparattyq júıeden beıhabar ekenin, qarttyq jasyn paıdalanyp, beınekameraǵa túsirý arqyly esepshottaryna zańsyz kirip, uıaly telefonyndaǵy «Halyk bank» mobıldi qosymshasy arqyly qaıyn atasy J.-nyń atynan 4 626 167 teńge, enesi K.-niń atynan «Kaspi. kz» mobıldi qosymshasy arqyly zańsyz kirip, 2 190 000 teńge múliktik nesıeler rásimdep, ony aqshaǵa aınaldyryp, bas paıdasyna jaratqan», - delingen oblystyq sot habarlamasynda.

Nátıjesinde, jábirlenýshiler J.-ǵa 4 626 167 teńge, K.-ge 2 190 000 teńge múliktik shyǵyn keltirgen.

Sottalýshynyń qylmystyq áreketi óziniń kinásin moıyndaǵan jaýabymen, jábirlenýshilerdiń jaýaptarymen, banktik anyqtamalarmen, aýdarym túbirtekterimen jáne is boıynsha basqa da qujattarmen dáleldengen. Sottalýshy E. men jábirlenýshiler J. jáne K. arasynda kináni moıyndaý týraly mámile nysanyndaǵy protsestik kelisim jasalǵan.

Basty sot talqylaýynda jábirlenýshi J. sottalýshy E.-den 4 626 167 teńge zalaldy óndirýdi suraǵan, al jábirlenýshi K. talap qoıýdan bas tartqan.

Sot úkimimen sottalýshy E. Qazaqstan Respýblıkasynyń QK-niń 190-baby 3-bóligi 1), 4)-tarmaqtarymen kináli dep tanylyp, 3 jyl 6 aı merzimge bas bostandyǵyn shekteý jazasy taǵaıyndalyp, probatsııalyq baqylaý belgilengen.

Azamattyq jaýapker E.-den azamattyq talapker J.-nyń paıdasyna 4 626 167 teńge óndirilgen.

Qyzylordada ózgeniń kóligin satyp jibergen adam ustalǵanyn jazǵan bolatynbyz.