Qyzylordada asa iri kólemde alaıaqtyq jasap, qashyp ketken adam qolǵa tústi

<p>QYZYLORDA. KAZINFORM &ndash; Qyzylorda oblysynda asa iri kólemde alaıaqtyq jasap, tergeýden boı tasalap júrgen adam qolǵa tústi.</p>

Bul azamat iri kompanııadan alaıaqtyq jolmen 33 mıllıon teńge kóleminde aqshany zańsyz alǵan. Qyzylorda qalasynyń turǵyny odan keıin tergeýden boı tasalap júrgen. 

Oblystyq Polıtsııa departamenti Krımınaldyq polıtsııa basqarmasynyń qyzmetkerleri oǵan qatysty QR Qylmystyq kodeksiniń 190-babynyń 4-bóligimen (asa iri mólsherde jasalǵan alaıaqtyq) qylmystyq is qozǵalǵan. «Quqyqtyq tártip» jedel aldyn alý sharasy barysynda kúdikti Atyraý qalasynda qolǵa tústi. Kúdiktige qatysty qamaýda ustaý túrindegi bultartpaý sharasy sanktsııalandy.

Jedel ýákilder izdestirý sharalaryn júrgizý nátıjesinde 37 jastaǵy kúdiktini oblys ortalyǵynda ustady.

Qylmyskerlerdi izdeý tek el aýmaǵymen shektelmeıdi. Іzdestirý jumystary basqa memleketterde de júzege asyrylady.

Vedomstvo málimetinshe, jyl basyna beri qyzylordalyq polıtseıler izdeýde júrgen 36 qylmyskerdi quryqtap, habar-osharsyz ketken 24 azamatty tapty. 

Eske salsaq, budan buryn Qyzylordada kásipkerlerge 70 mln teńge shyǵyn keltirgen 2 adam sottaldy.