Qyzylordada alıment boıynsha boryshkerler býkmekerlik keńselerden tabyldy

<p>QYZYLORDA. KAZINFORM - Qyzylorda qalasynyń prokýratýrasy alıment boıynsha qaryzy bar boryshkerlerdiń býkmekerlik keńselerde qyrýar qarajatqa bás tigip júrgenin anyqtady.</p>

Oblystyq prokýratýranyń baspasóóz qyzmetiniń habarlaýynsha, bıyl 135 boryshker ákimshilik, 4 boryshker qylmystyq jaýaptylyqqa tartyldy.

Mysaly, bir boryshkerdiń balaǵa tólenetin alımenti boıynsha qaryzy 5,2 mln teńgeni quraǵanymen, ol 2 mln teńgege jýyq qarajatty «Olımp» býkmekerlik keńsesinde utylǵany belgili boldy.

Atalǵan boryshkerge qatysty Qazaqstan Respýblıkasynyń Qylmystyq Kodeksiniń 139-babymen qylmystyq is tirkelip, ol alıment qaryzy tolyq ótelgenge deıin jábirlenýshimen tatýlasyp, aqtalmaıtyn negizdermen qylmystyq is toqtatyldy.

 «Alımentti ýaqytynda jáne tolyq kólemde tóleý bul ár ata-ananyń mindeti men paryzy»,- deıdi prokýrorlar.

Osyǵan deıin Túrkistan oblysynda alıment tóleýge mindetti 19 myń boryshker bar ekeni habarlandy.