Qyzylordada 22 ret jol erejesin buzǵan júrgizýshige 886 myń teńge aıyppul salyndy

<p>QYZYLORDA. KAZINFORM - Qyzylordada jyldamdyq rejımin 22 márte buzǵan turǵyn 886 myń teńge aıyppul tóleıtin boldy.&nbsp;</p>

Bıylǵy jyldyń shilde aıynan bastap Qyzylorda qalasynda «Qorǵaý» jol qozǵalysyn baqylaý júıesi iske qosyldy.

«Atalǵan júıeniń múmkindigimen 9 qyrkúıekte qala aýmaǵynda «Arqan» jáne «Sergek» statsıonarly jyldamdyq ólshegish qurylǵylaryna jyldamdyq rejımin 22 jáne 7 márte buzǵan kólik júrgizýshileri anyqtaldy. Olardyń biri 886, ekinshisi 332 myń aıyppul tóleýden jaltaryp júrgen. Atalǵan quqyq buzýshylyqtar boıynsha QR Ákimshilik quqyq buzýshylyq týraly kodeksiniń 590-babynyń 2-bóligimen ákimshilik hattama toltyrylyp, avtokólikter aıyp alańyna qoıyldy», - dep málim etti Qyzylorda oblystyq polıtsııa departamentinen.

Eske salsaq, budan buryn Qyzylorda oblysynda 8 adamdy bopsalaǵan blogerdiń bas bostandyǵy shekteldi.