Qyzylordada 18 jastaǵy qyz eki kúnnen beri tabylmaı jatyr

<p>Qyzylorda qalasynda 18 jastaǵy qyz úıinen belgisiz baǵytqa shyǵyp, eki kúnnen beri tabylmaı jatyr, dep habarlaıdy Kazinform.</p>

Qyzylorda qalasynda turatyn 18 jastaǵy Aıtóreeva Darıǵa Raýanqyzy 17 jeltoqsanda úıinen belgisiz baǵytqa shyǵyp ketken. Sodan beri úıine oralmaǵan.

Foto: Qyzylorda qalalyq polıtsııa basqarmasy

«Osyǵan baılanysty Qyzylorda qalasy Polıtsııa basqarmasy izdeý salady. Erekshe belgileri: boıy: 1,50 - 1,55 sm, orta deneli, kózi qońyr tústi, shashy qara tústi. Kıimderi: qońyr tústi kúrteshe, qara tústi shalbar, aıaǵyna qońyr tústi aıaq kıim kıgen. Atalǵan habarlama boıynsha qandaı da bir aqparat nemese júrgen jeri týraly málimet bilgen jaǵdaıda 8(7242)-29-75-20 nemese 102 arnasyna qońyraý soǵýyzdy suraımyz», - dep jazylǵan Qyzylorda qalalyq polıtsııa basqarmasy taratqan habarlamada.

Eske salsaq, budan buryn Qyzylordada polıtsııa qyzmetkeri kópirden sekirmekshi bolǵan áıeldi qutqaryp qaldy.