Qyzylordada 110 qap kúrish urlaǵan qylmystyq toptyń tórt múshesi ustaldy

<p>ASTANA. KAZINFORM - Qyzylorda qalasynda jaýapkershiligi shekteýli seriktestiktiń qoımasynan 110 qap kúrish urlaǵan qylmystyq toptyń 18 jastaǵy tórt múshesi ustaldy.</p>

Bul maqsatta Qyzylorda qalalyq Polıtsııa basqarmasynyń Krımınaldyq polıtsııa bóliminiń jedel ýákilderi izdestirý is-sharasyn júrgizdi.

«Іs-shara aıasynda qala aýmaǵynda 110 qap, ıaǵnı 2 tonnadan astam kúrishti urlaǵan qylmystyq top ustaldy. Kúdiktiler jaýapkershiligi shekteýli seriktestik qoımasynan 1 mıllıon 237 myń teńgeni quraıtyn «Lıder» kúrishin urlaǵan. Bul qylmystyq áreketi beınebaqylaý kamerasyna túsip kalǵan. Urlyqqa qatysty qylmystyq toptyń 18 jastaǵy tórt múshesi ustalyp, basqarmanyń ýaqytsha ustaý ızolıatoryna qamaldy», - dep málim etti Qyzylorda qalalyq polıtsııa basqarmasynan. 

Vedomstvo málimetinshe, kúdiktilerge qatysty urlyq deregi boıynsha qylmystyq is tirkelip, sotqa deıingi tergep-tekserý júrgizilýde.

Eske salsaq, budan buryn Qyzylordada qurylys kompanııasy 15 adamdy aldap ketken.